Нови велосипедски патеки, Крушево станува центар на светскиот планински велосипедизам

Нови велосипедски патеки, Крушево станува центар на светскиот планински велосипедизам

Во Крушево се подготвуваат нови патеки за планински велосипедизам и креирање на Flow Trail патека за многу светски натпреварувања да се одржуваат токму во Крушево.

Panorama All Seasson Adventure во соработка со општина Крушево и 7-кратниот светски првак во планински велосипедизам Ралф Неф работат на уредување на овие патеки. Патеките кои ќе се оспособат ќе бидат со различни нивоа на екстремност.

Од хотелот Панорама и спа велат дека во тек е првата фаза на расчистување на веќе постоечки патеки, по што ќе се поставуваат знаци и табли.

Нова атракција во Крушево

За наредната сезона, започнувајќи од март месец 2021, доколку се оди по планираното, конечно ќе се оствари посетата на Швајцарските експерти меѓу кои и Ралф Неф (7 кратен Светски првак и Олимписко злато) се со цел да се промовираат и усовршат сите патеки. Целата е секако и некој од познатите натпреварувања од Светски карактер да се одржат во Крушево.

Flow trail патеките се добро познати на брзите велосипедисти и љубиели на планинскиот велосипедзам, Планината Мусица 1788м.н.в. има голем потенцијал за вакви патеки и со помош на нашата компанија и Општината, планирано е да се креираат околу 15 километри вистинска адреналинска линија. – пишува на официјалниот веб сајт на хотел Панорама и спа.

Во видеото подолу погледнете какви трки би се одржувале во Крушево на новите flow trail патеки.

When In Krusevo поинаков, но не помалку атрактивен

When In Krusevo поинаков, но не помалку атрактивен

When in Krusevo оваа година ќе биде 10-дневно авантуристичко искуство и истражување на Крушево. Заради коронавирусот концептот е изменет, но не помалку атрактивен.

Фестивалот започнува од 1-ви и ќе трае до 10-ти август и ги нуди следните содржини:

Тандем парагалдјинг
Планинаски тури
Велосипедски тури
Трчање
Јавање со коњи

Организаторите обезбедуваат и награди за најдобрите. Но, во продолжение да ги погледнеме деталите за настанот.

When in Krusevo 2020, по четврт пат, ќе се одржи од 01. – 10. август насекаде низ Крушево и неговата околина. При тоа, во предвид ќе бидат земени сите безбедносни мерки и протоколи издадени и препорачани од релевантните институции.

Како да учествувате?

1. Се регистрирате на нашиот настан When in Krusevo 2020. (http://wheninkrusevo.mk) или линк за пријава: https://forms.gle/TYD3EhCsL3oGVJ1U9

2. Резервирате сместување според ваша желба кај некои од нашите добри домаќини и поддржувачи на настанот – контактите дополнително ќе бидат објавени.

3. Доаѓате во Крушево и користејќи ги поволностите што ги нуди When in Krusevo за своите учесници избирате авантура по Ваша мерка, креирате ваш предизвик, спортувате или едноставно се релаксирате (на Крушевското езеро, на Мечкин Камен, на манастирот Преображение, на манастирот Св. Спас, на терасата на Панорама или Монтана, во локалните таверни, етно ресторани… или на било кое место каде што вие посакувате).

Кои се поволностите и активностите што ги нудиме?

Параглајдинг: Уникатно адреналинско искуство на покривот на Крушево! Имате можност да уживате во неверојатниот поглед на крушевската околина и Пелагонија.
Со картата за учество во When in Krusevo добивате 50% попуст за ова неверојатно искуство.

Јавање со коњи: Единствена можност да го искусите ова кумитско искуство низ крушевските шуми и полиња. Уживајте во природата, пејзажите и чистиот воздух.
Со картата за учество во When in Krusevo добивате 30% попуст за ова неверојатно искуство.

Планински велосипедизам (MTB): Согласно препораките за безбедност, со цел да избегнеме групирање на повеќе луѓе, оваа година тимот на When in Krusevo ви обезбедува едноставна и прецизна навигација на големата и малата велосипедска тура. Искористете го вашиот престој во Крушево за незаборавно планинско возење по ваша мерка ☺

– Голема велосипедска тура (38 km): https://www.strava.com/routes/19755443
(се посетува: Крушевска корија, манастирот Преображение, Мусица 1788 мнв, Слива, Станич)

– Мала велосипедска тура (18 km): https://www.strava.com/routes/13450001
(се посетува: Крушевска корија, Слива)

Планинарење: Изберете ја вашата омилена планинарска тура, прецизно виртуелно обележана преку подолу наведените линкови. Запознајте ја крушевската природа и наполнете ги градите со чист планински воздух:

– Голема планинарска тура (20 km): https://www.strava.com/routes/13545510
(се посетува: Мусица 1788 мнв, Слива, манастирот Преображение)

– Мала планинарска тура (8 km): https://www.strava.com/routes/16894026
(се посетува: Крушевската корија, Слива, Крушевско езеро)

– Рекреативна пешачка тура: во и околу Крушево, според ваша желба, волја и кондиција ☺

Виртуелна трка во трчање. За љубителите на трчањето, во рамки на When in Krusevo 2020 организираме виртуелна трка во два сегмента:

– Најбрз на 5km
– Најмногу истрчани km

Награди: за трите најдобри резултати, поединечно во планирање, планински велосипедизам, најбрзо трчање на 5km и најмногу истрчани километри, учесниците ќе добијат уникатен медал за прво, второ и трето освоено место со логото нa When in Krusevo.

Напомена:

Основни правила за учество на виртуелната трка:
– натпреварувачите потребно е да бидат учесници на When in Krusevo,
– времињата и километрите се земаат во предвид само од 01. – 10.08.2020 на територија на Крушево;

Tрчањето, велосипедските и планинарските тури се одвиваат во сопствена режија и на сопствен ризик, без групирање согласно објавените рути.

Почитувањето на превентивните заштитни мерки од Covid-19, пропишани од релевантните институции, е задолжително за секој учесник.

When in Krusevo Outdoor festival ве очекуваме!

When in Krusevo – светот на адреналинот на едно место

When in Krusevo – светот на адреналинот на едно место

Кога ќе се спомне градот Крушево денес, една од првите асоцијации покрај параглајдингот кој веќе зеде голем замав во последните неколку години, е летниот фестивал на отворено добро познат како „When in Krushevo“. Идејата која за прв пат се реализира во месец август 2017 година е на неколку млади ентузијасти – крушевчани, која е прифатена и поддржана од сите млади луѓе во Крушево.

„When In Krushevo“ денес претставува атракција. Се одржува секоја година во летниот период, на Крушевското Езеро каде се поставува кампинг зона по сите стандарди и има бројни активности преку денот, како на пример рекреативни тури – пешачење, планинарење, планински велосипедизам, оф роуд тури во крушевската околина, кајакарење на крушевското езеро и уште многу други активности каде секој од учесниците може да се пронајде и да учествува во дел од нив. Во последните години поради зголемен интерес фестивалот е застапен и со зимско издание кое се одржува на ски терените во Крушево.

Организаторите Пеце, Ѓоко, Димитар, Влатко и Антониот (од лево кон десно)

Во бројните активности, неизоставен дел се и музејските тури и запознавање со богатата историја на градот, како и културна програма – ноќни концерти на отворено во близина на самата кампинг зона каде можат да се видат голем број на македонски и странски изведувачи. Одлика на секој аутдор фестивал е и адреналинот. Секој кој го сака овој вид на забава, има можност да проба тандем параглајдинг со повластени цени за време на фестивалот. За гурманите пак, се нуди можност да ја пробаат богатата и вкусна крушевска трпеза.

Зошто е значаен фестивалот за градот?

„When In Krushevo“ е фестивал од светски калибар. Во светот веќе одамна се застапени разни алтернативни форми на туризам. Самата идеја за ваков вид на дружба и забава е многу значајна од причина што кај нас досега ова се уште не е многу популаризирано, а нашата држава и градот Крушево имаат голем потенцијал и природни услови за нејзин развој. Ако досега Крушево беше познато само како зимска дестинација, со овој фестивал градот полека прераснува и во летна посакувана дестинација кај многу туристи кои сакаат да избегаат барем на еден викенд од градските гужви, метежот и високите температури.

Концептот на фестивалот истовремено е значаен и во економска смисла. Поддршката на ваквите настани директно ја зајакнува локалната економија која понатаму е клучен двигател на општиот економски развој на државата. Ако порано кога сме сакале да видиме нешто вакво сме морале да одиме негде во странство, сега ја имаме истата таа можност кај нас со тоа што парите ги трошиме дома и помагаме во идниот развој на вакви настани.

Секогаш е убаво да се патува и да се запознаваат нови места и нови култури, но уште поубаво е кога добро ќе се познава сопствената држава, а тоа се учи со посета и поддршка на локални настани. Од друга страна, секој локалец треба да е амбасадор на својот град, да го промовира во секоја смисла со што ќе се подобрува сликата за градот кај туристите. Само така ќе се постигне поголема посетеност и оној кој бил еднаш и е задоволен од тоа како си поминал, сигурно ќе се врати пак, а и ќе раскажи на своите блиски.

Се гледаме горе, пријатели, на следното „When in Krushevo“.

Наум Прешоски

Греми наградените Inner Circle на адреналинскиот фестивал When In Krusevo 2018!

Греми наградените Inner Circle на адреналинскиот фестивал When In Krusevo 2018!

Втора година по ред во 2018 година љубителите на планинските адреналински спортови и рекреативците можеа да уживаат во убавините на Крушевските предели. Во 2018 година фестивалот „WhenInKrusevo“ се одржа во последниот викенд од јуни, односно од 29-ти јуни до 1-ви јули, а организаторите најавуваа уште поголем и подобар фестивал од претходната година.

Дали очекувањата се исполнија?

Имено, во 2018 година понудата на тури и активности вклучени во картата од 400 денари беше збогатена со уште повеќе содржини, па сега таа покрај стандардните планински и велосипедски тури вклучуваше и планинска трка, јога и кросфит часови, гастрономска тура, посета на три музеи – Македониум, Спомен куќа на Тоше Проески и Мартиноски, нуркање и извиднички курсеви за најмалите. Покрај ова, обезбедени беа и други адреналински содржини по промотивни цени, па посетителите можеа да уживаат и во тандем параглајдинг, кајакарење и SUP, како и многу други активности во живописните планински предели на преубавото Крушево.

Секако, покрај спортските активности во текот на денот, вечерните часови беа резервирани за добрата забава и дружење, а таа година звучни светски и домашни имиња се погрижија посетителите да имаат незаборавен викенд под отворено небо.

Се чини дека фестивалот во 2018-та беше еден од најбогатите со содржина, но организаторите продолжија да го надградуваат потенцијат на истиот.

Греми наградените реге изведувачи Inner Circle беа главните носители на програмата, а својот настап на сцената го имаа во саботата на 30-ти јуни, каде ги изведоа своите најголеми хитови како „Bad Boys“,„ Sweat (A La La Long)“ и „Rock With You“!

Фестивалот во петокот вечер официјално го отворија Игор Џамбазов и Гуру Харе, а програмата беше надополнета и со DJ настапите на DJCrazySlave и BalkanJam. Во сабота вечер, покрај настапот на InnerCircle љубителите на фудбалот можеа да уживаат во заедничко гледање на четврт-финалниот натпревар од Светското првенство во Русија, а потоа и во добрата забава обезбедена од BetaHouse, DjTomeRootboy со поддршка од локалните DJ.

За големиот број на заинтересирани учесници беше обезбедена посебна камп зона со сите потребни услови, а секако на располагање беа и приватните и хотелските капацитети во Крушево.

Описот на настанот од 2018 година само покажува дека фестивалот расте од година во година. Во 2019-та значително се зголеми бројот на учесници и генерално луѓе кои дојдоа во Крушево заради фестивалот.

И оваа 2020-та организаторите од Аутдор манифест имаат големи планови. Да почекаме и да видиме.

Споделете ги вашите впечатоци од овој фестивал со испраќање на текст на vikendvokrusevo@yahoo.com или на нашата Фејсбук страница.