Многу спорт, многу култура – убаво лето во Крушево
Ова лето Крушево беше домаќин на бројни спортски настани, покрај рестартираните музички, театарски, ликовни и други настани. Сето тоа доведе Крушево да биде повторно она препознатливо од пред Ковид 19.
Ајде, да поразговараме за дел од настаните…
Втора година по ред во Крушево се одржа пливачки маратон на Крушевско Езеро. На едно место повторно се собраа најдобрите спортисти од овој спорт, а глетката и доживувањата на гостите и крушевчани беа поголеми од минатата година. Маратонот по втор пат се одржува во Крушево и сигурно ќе стане традиција во нашиот град.
Покрај настани од натпреварувачки карактер неколку тимови од различни спортови го искористија чистиот воздух и пријатното време да се подготват за новата сезона. Најпрво младинската кошаркарска репрезентација престојуваше во Крушево и секојдневно ги користеше природните убавини за свои подготовки.
Потоа, тука беше тимот Volley Star Shape кој донесе бројни млади заљубеници во одбојката. Исто така, традиционално се одржаа подготовки и школа за тенис од МТП тенискиот клуб од Скопје.
Голем интерес предизвика градската трка на 5 километри која се одржа по повод Денот на независноста на Македонија и Денот на ослободување на Крушево. Но, и после тоа продолжуваат активните спортски активности, како на пример Крушево низ корија кој ќе се одржи овој викенд во Крушево.
Полека се ближи крајот на едно многу убаво лето кое што ни дојде како добро освежување после година дена и повеќе без настани. Веќе имаме најава за нови настани во Крушево оваа есен, но за тоа во наредниот пост 😛
