When in Krusevo назад во Крушево

When in Krusevo назад во Крушево

На 6-ти август When in Krusevo се враќа во нашиот град. Еден од најпопуларните настани оваа 2021-ва повторно ќе ни овозможи авантура, спорт, рекреација, чист воздух и природа.

Програмата е во изработка и, како што известуваат организаторите, за многу скоро ќе биде објавена, а засега достапен е линк за пријавување.

Изминатите години имавме навистина еден несекојдневен настан во Крушево кој донесе многу луѓе, а и крушевчани навистина се радуваа на овој настан.

Сме учествувале во планинарските тури, планинскиот велосипедизам , пробавме тандем параглајдинг и кајак авантури, а во вечерните часови уживавме на забавите под отворено небо.

И оваа година очекуваме нова возбуда. Пријавете се на следниот линк, верувајте нема да зажалите. Клик ТУКА.

Овие фотографии ќе ве убедат да дојдете во Крушево

Овие фотографии ќе ве убедат да дојдете во Крушево

Во Крушево има толку снег колку да ве привлече да дојдете и да уживате во белите пејзажи и да се надишете свеж воздух. Има доволно снег за прошетка, уживање, одмор и малку скијање на ски терените Станич.

Возењето со жичарницата ќе овозможи поинаква перспектива на Крушево. Ќе здогледате обелени покриви, а белата покривка ќе ги даде на увид сите подалечни ридови, висорамнини, планински врвови. Поставеноста на градот ќе ве остави без здив уште еднаш.

Пред нас е уште еден викенд во кој не’ очекува сонце и убаво време за уживање во Крушево. Веруваме дека фотографиите ќе ве убедат да не’ посетите.

Дали Крушево станува вело дестинација?

Дали Крушево станува вело дестинација?

Не поминува викенд, а во летниот период не поминува ни ден, а да не се забележи возило со некрушевски регистарски таблички кое со себе носи барем еден велосипед. Само што заврши Крушево низ корија и When in Krusevo фестивали на кои се одржуваат велосипедски тури, а туристите и крушевчани продолжуваат со вело тури.

Имајќи го ова на ум, дали можеме да кажеме дека Крушево станува вело дестинација?

Крушево денес има 42 километри обележани велосипедски патеки, а Хотел Панорама работи на оспособување на нови патеки. Од хотелот најавуваат дека ќе се направат патеки за одржување на натпревари на меѓународно и светско ниво.

Кога ќе се погледне инфраструктурата која се унапредува и зголемениот интерес за ваков вид на активности дел од авантуристичкиот туризам можеме да очекуваме дека Крушево полека но сигурно станува вело дестинација. Крушево полека станува центар на многу вело настани и вело тури во сопствена режија од многу посетители.

Да не заборавиме, дека Крушево има и голем природен потенцијал за ваков туризам. Природата нуди многу, од потешки планински предели, полесни тури, градски тури, па се до можности за изнајмување велосипеди, вело водичи и друго.

Крушево станува се попривлечно за да го истражите на точак. Добредојдовте во Крушево – вашата омилена вело дестинација!

-1

Голема мото тура, учесници од неколку градови

Голема мото тура, учесници од неколку градови

По објавата на нашиот портал мото тимот Драпачи од Скопје организира тура во Крушево заедно со дел од крушевските моторџии.

На мото тура во Крушево

Турата се одржа пред две недели и на гостите од Скопје им беа прикажани најдобрите предели на Крушево.

Приказната за одржување на оваа тура започнува вака: По објавата на текстот На мото тура во Крушево на нашиот портал од тимот на Драпачи стапуваат во контакт со еден од моторџиите на Крушево. Преку онлајн комуникација се запознаваат, разменуваат искуства и тимот Драпачи изразува желба да дојде во Крушево на една заедничка тура.

Моторџиите крушевчани го известуваат тимот на Викенд во Крушево и најавуваат дека турата е можно да се одржи уште веднаш, во викендот што следи. Во недела тимот со неколку комбиња и други возила доаѓа во Крушево, пристигаат кај бензиската пумпа во градот, детално се подготвуваат и ја почнуваат турата. Останатото е прикажано од фотографиите.

Мото турата изобилуваше со адреналин, несекојдневни патеки и многу дружба. По завршувањето на турата во која учествуваа над 20 моторџии учесниците ја посетијата пицерија Скар на пробување на највкусните јадења од Крушево.

Пробајте ја пита „Скар“ за незапаметено задоволство

На тимот на Викенд во Крушево ни’ е особено драго што нашата сторија беше линкот со кој се поврзаа тимот Драпачи и крушевските моторџии. Ги покануваме членовите на тимот од Скопје повторно да не’ посетат.

adventure