Како си поминав викендов?

Како си поминав викендов?

Се почувствував мирно, почестено и културолошки издигнато. И тоа, само поради еден ден од еден настан.

Настанот кој ме восхити изминатиот викенд, а веројатно не беше само заради програмата, туку и заради локацијата и временските услови ми остави слика на еден обичен викенд, но кој ќе го паметам по пријатно чувство.

Cinedays Warm-up 2024 претстави неколку филмови, проследивме разговор на уметници и уживавме гледајќи ту во екранот, ту во ѕвездите пругоре.

ПОВРЗАНО: Патешествието на данскиот бенд во потрага по македонски музичари

Само што ќе стапне човек на Гумење ја чувствува историјата. Чекорејќи кон Македониум чувство на чистота и искреност поминуваат низ телото и умот. Не можеш, а да не се запрашаш за идеалите врз кои е градена историјата.

Наближувам кон т.н. „училница“ пред споменикот Илинден. Пред мене екран, а во позадина се издигнува познатиот споменик. Светла, бои, силуети. Тука се случува филмска уметност.

Владее тишина и засилена сосредоточеност на присутните додека течат последните кадри. Настанот продолжува со разговор помеѓу режисери и тоа е толку убаво искуство. Слушаме дискусија за филмските стилови на конкретен автор. Слушаме зборови со кои се опишува креативната професионалност на режисерите и продуцентите.

Македонската продукција не изостанува. Прекрасната вечер завршува со краток филм од македонски автор, на македонски јазик и македонско секојдневие.

Ова беше не толку често искуство за нашиот град. Жал ми е што не успеав да присуствувам на првиот ден, но не зажалив што саботната вечер не ја поминав помеѓу гужвите во центарот на Крушево.

Го напуштаме Македониум. Тргнуваме кон Гумење и со блага насмевка завршува уште еден ден.

0
Share on:

За Тоше и Христо Мулар, недела на гитара и спорт

За Тоше и Христо Мулар, недела на гитара и спорт

Во спомен на Тоше и P.S. Guitar Fest Krushevo на Христо Христоски Мулар измина минатата недела. Домаќините победија на фудбалскиот турнир во чест на Тоше, а ние имавме чест да проследиме дел од музичкиот настан.

Во спомен куќата „Тодор Проески“ се одржа 15-тото издание на фестивалот на гитара кој го започна сега покојниот Христо Христоски Мулар, а го прододолжи синот на Христо – Перо Мулар.

Настанот го најавивме преку едно пријатно интервју со Перо, а нашите фотографии зборуваат за високото ниво на уметност кое 3 дена се претставуваше во Крушево.

Дуо Балкан (Луна Лилиќ и Матеј Детељ)

Првиот ден од настанот започна со настап на Дарко Багески кој го заокружи своето претставување со една од најомилените нумери, како што кажа тој, на Христо Христоски Мулар.

ПОВРЗАНО: Музика, уметност и спорт викендов во Крушево

„Да беше денес тука сигурен сум дека ќе уживаше во она што ќе го отсвирам за крај“, кажа Багески пред да го заокружи настапот.

Дуо Балкан се заблагодарија за поканата на P.S. Guitar Fest Krushevo и изразија задоволство што учествуваат на настанот.

0
Share on:

Вело дестинација Крушево

Вело дестинација Крушево

Градот добива нови велосипедски патеки, а тоа значи ново доживување на крушевската природа.

Хотелот Панорама & спа постојано вложува во подготовка на велосипедски патеки. Ако пред неколку години се’ започна со првата крос кантри вело трка, денес комплексот на хотели и ски центарот го комплетираат процесот со вкупно 7 патеки.

Дополнително на тоа, и општината оспособи уште една патека која спаѓа во рангот на т.н. спуст патеки. Се на се’ Крушево полека се издигнува на мапата на вело дестинации заедно со првичните 42 км патеки кои локалната самоуправа ги подготви уште пред неколку години.

Во 2022 година се одржа првата крос кантри трка, а минатата година во рамки на When in Krusevo се организираа и неколку трки во планински велосипедизам. Што покажува тоа? Дека крушевчани очекуваат повеќе луѓе да го посетат Крушево понесувајќи го велосипедот со себе или, пак, тука да изнајмат еден и да уживаат.

По повод Светскиот ден на велосипедот – 3 јуни хотел Панорама & Спа нуди бесплатно изнајмување на велосипедите. Ова важи секој викенд во текот на месец јуни.

Покрај Панорама велосипеди издаваат Casa Mular Krusevo, Хели ХЦ параглајдинг клубот, а за многу брзо очекуваме нов проект од Св. Никола бутик хотел.

Крушево е растечка вело дестинација, а самите инвестиции и конкретниот пристап оставаат впечаток дека на долг рок градот може да стане многу атрактивно место за практикување на спортот, на аматерско и професионално ниво. Во меѓувреме, ние крушевчани секако дека ќе уживаме во возењето велосипед :P.

0
Share on:

Со овој настан започнува сезоната 2024

Со овој настан започнува сезоната 2024

Секоја година одбираме еден настан со кој го означуваме почетокот на туристичката сезона. Годинава тоа е Macedonian 4X4 Trophy – натпревар со теренски возила во крушевската горија.

Високо адреналинскиот натпревар со џипови се организира во Крушево по втор пат, а годинешното е 5-то издание. Тоа е меѓународен настан со учесници од Македонија, Бугарија, Грција, Србија и други држави, а како организатор се јавува Авто Контрол центарот од Прилеп се поддршка на повеќе спонзори.

„Се создава одреден адреналин во нас кога го гледаме натпреварот од блиску. Преку видео не делува толку возбудливо, колку што е кога сте внатре во шумата и ги слушате мото звуците и гледате како џиповите се искачуваат по предели кои беа тешки и за нас да пристапиме. Многу возбуда почувствував. Неверојатно“, ни’ кажа еден од присутните гледачи.

Настанот траеше три дена и опфати ноќни и дневни трки во две категории: Challenge и Adventure и UTV класата.

Macedonian 4X4 Trophy е настанот со кој се одбележа почетокот на уште една одлична туристичка сезона во Крушево.

0
Share on:
Krusevo Advisor

Krusevo Advisor

error

Уживате во нашиот сајт? Споделете да дознаат и другите. :)