Август „преполн“ со настани

Август „преполн“ со настани

Август не бил поисполнет со настани како што е годинава. Од самиот почеток не очекува настап на Љубојна, потоа од 6-ти август When in Krusevo заедно со пливачки маратон и неколку трки во трчање – Krushevo Trail Challenge.

Оваа година август ќе го одбележиме со планинарење, велосипедизам, журки со ди џеи како Галоски и Бабура Џуниор, а ќе имаме настани како џез концерти, содржини за најмладите и секако Крушево низ корија.

Веќе од средината на август не’ очекуваат и првите официјални меѓународни параглајдинг натпревари. Од 21-ви започнува Flymaster Open а до средината на септември ќе се одржат уште неколку официјални натпревари.

Драги наши, резервирајте го август за Крушево затоа што имате се што ќе посакате за да ви биде интересно, забавно и да ве натера да не сакате да си замините.

Share on:

Параглајдингот назад во Крушево, Украинци и Руси најприсутни

Параглајдингот назад во Крушево, Украинци и Руси најприсутни

Поголеми групи на параглајдеристи веќе доаѓаат во Крушево, а ова лето се очекува најприсутни да бидат авантуристите од Украина и Русија.

Полетиштето за параглајдинг во Крушево после долго време е исполнето со параглајдеристи. Небото над Крушево после долга пауза е повторно обоено со боите на овие летала, а градот е раздвижен од странски посетители.

Во овој момент нема официјални натпревари, односно првиот натпревар кој до сега е закажан е некаде на средината на август.

На 8-ми август започнува PrePWC Nearbirds Cup and Ukrainian Open првенство кое ќе трае до 14-ти август, а до почетокот на септември не’ очекуваат уште два меѓународни натпревари. Ова потврдува дека стотици натпреварувачи ова лето ќе престојуваат во Крушево после една година пауза.

Според претставниците од македонските параглајдинг клубови оваа година се очекуваат најмногу параглајдеристи од Украина и Русија и овие земји се очекува да доминираат во Крушево ова лето.

Добро е што авантурата се враќа во Крушево, а ние како љубители на овие убавини се радуваме што имаме што да видиме ова лето.

Share on:

Време е за одмор, време е за Крушево

Време е за одмор, време е за Крушево

Крушево е преубаво на фотографија, но во живо, кога ќе стапнете на крушевското тло градот ќе го доживеете вистински.

Сезоната се отвора, а се зголемува бројот на настани кои се организираат. Времето конечно се разубави и во Крушево се забележуваат високи температури, но постојаното ветре го прави престојот не само поднослив, туку и вреден за уживање.

Вечерните часови се прекрасни, особено на Крушевско Езеро. Прошетките под отворено небо се пријатни како што ретко кога биле. Вечерите и ноќите во минатото биле реалтивно свежи и ретко кога е пријатно да излезете по кратки ракави. Но, ова лето е поразлично и ноќта е топла и пријатна и удобна за прошетка и дружба.

Самата квечерина, непосредно пред зајдисонцето крушевското небо е живо во бои. Тоа е едно прекрасно чувство. Едно чувство на слобода, на неверување, на длабоко вдишување. Во ова време можете и да испиете и кафе под отворено небо во некој од крушевските локали или пак на тераса. Овој дел од денот, кој не трае долго е можеби најубавиот. Зграпчете го!

Време е за одмор, време е за Крушево!

Share on:

Голема традиција во Крушево – Св. Спас – празник на манастирот

Голема традиција во Крушево – Св. Спас – празник на манастирот

Овие два дена, 9-ти и 10-ти јуни се денови посветени на христијанскиот празник Св. Спас кој е голема традиција во Крушево заради манастирот во падините на Бушева планина.

Манастирот забележува голема посетеност овие два дена. Не само од Крушево, туку и луѓе од Кривогаштани, Прилеп, Демир Хисар и Битола на 9-ти и 10-ти јуни се на манастирот каде што го одбележуваат празникот и се восхитуваат на убавината на самиот манастир и околината.

Манастирот Св. Спас е исклучително популарен и во текот на цела година заради самата убавина, околината исполнета со шуми и патеки кои нудат можност за прошетка, велосипедизам и други авантури.

Природата околу манастирот навистина знае да го земе здивот, но овие денови покрај природата се запазува и оваа долга крушевска традиција.

Овој празник се одбележува на точно 40 дена од Велигден и претставува симбол на вознесениете на Исус Христос. Според Светото писмо, на 40-от ден по воскресението Христос им се обратил на своите ученици и ги известил за спуштањето на Светиот дух.

До Спасовден верниците се уште се поздравуваат со „Христос воскресе – навистина воскресе“.