Блог

Нови места за нови искуства – Дуомо и Малага

Крушево станува се побогато со нови локали и нови места за вкусување на специјалитети и доживување на уникатни амбиенти. Веќе неколку недели работи лонџ барот Дуомо, а во најава е отварање на уште еден со име Малага.

Дуомо е ново место во центарот на Крушево кое има навистина несекојдневни кулинарски специјалитети кога станува збор за нашиот град. Амбиентот е, исто така, нешто ново и тоа е она што ќе биде причина плус да бидете дел од ова ново искуство од нашиот град.

На местото на поранешната градска кафеана за многу скоро ќе започне со работа лонџ барот Малага. Од ова ново место веќе има проектиран изглед, а самата локација претставува едно од најубавите места во Крушево.

Останете со Викенд во Крушево за да ги дознаете сите новости. Во меѓувреме, ве покануваме на викенд во Крушево и вкусување на овие нови искуства.

0

0

Безбеден и Велигден како што доликува

Оваа година Велигден со мерки, но многу поразлично. Сепак, Крушево исполнето со туристи и почитување на традицијата.

Пред неколку денови се потсетивме на минатогодишниот Велигден, кој беше одбележан на терасите и дворовите од крушевските домаќинства, а велигденските песни се слушаа низ целиот град.

Годинава, сликата е нешто поразлична. Крушево повторно ги пречека туристите кои традиционално доаѓаат за време на празниците. Празникот беше одбележан пред црквите во градот, онака како што доликува и „налага“ традицијата.

Мерките не ги спречија крушевчани безбедно да го одбележат празникот. Традицијата е испочитувана и здравјето е зачувано.

Крушевчани си посакаа вакви Велигдени да не се повторуваат и сите останати да бидат одбележани во мир, хармонија и куќи кои сјаат со својата светлина, а од нив се слушаат насмевки.

Крушево е особено убаво во овој период од годината. Ова се денови кога посетителите се враќаат тука, студентите си доаѓаат дома и семејства се збираат на куп. Ова е време посветено на семејството, традицијата и верата.

Со изминатиот продолжен викенд и официјално се рестартира туристичката сезона во Крушево. Пролетниот и летниот делови од сезоната започнаа со многу посетители кои ги посетија најатрактивните места во градот, како Крушевско Езеро, Мечкин Камен, спомениците и секако угостителските објекти.

Крушево полека го враќа приматот на најбезбедна дестинација.

0

0

Научно фантастичен филм во споменикот Илинден (ФОТО)

Споменикот Илинден е една од локациите каде што се снима научно фантастичниот филм Празникот на хризантемите кој е производ на украинско-македонска соработка.

Се работи за научно фантастичен филм (дистописка драма), за односите помеѓу млада лекарка и нејзиниот пациент стара “жена-цвеќе”, познатa како исцелител која на чуден начин ја преживува нуклеарната експлозија, губејки ја потполно својата меморија и идентитет. Нејзината рехабилитација е всушност тематиката на филмот. – стои во објавата на НУ „Историски музеј Крушево“.

Споменикот Илинден претставува една впечатлива градба со многу значење во себе и тоа се причините заради кои привлекува меѓународно внимание. Овој филм, но и многу други проекти, потврдуваат дека оваа не е само крушевско, туку и македонско богатсво, кое, исто така, не смеете да пропуштите, а да не го посетите.

Режисер на филмот е Симон Мозгави, а продукција носител е Mainstream Pictures LLC од Киев, Украина. Како што наведовме погоре, ова е плод на македонско-украинска соработка со ОПИУМ Филм претставен од страна на Кирил Каракаш и Светислав Подлешанов.

0

0