Знаменитости

Спомен куќа на Тодор Проески

Крушево е еден од ретките градови со доста богата историја. За тоа сведочат доста градби кои постојат и денес. Има вкупно шест музеи и секој од нив си има своја приказна за одредени ликови и настани кои се случиле во минатото, а се значајни во создавањето на Крушево како град, па дури и на македонската држава.

Тодор – Тоше Проески, иако за жал живееше релативно кратко, сепак неговата човечност и делото кое го остави го прават еден од најзначајните крушевчани воопшто, исто и најзначаен амбасадор на Крушево и на Македонија во светот. Спомен куќата се наоѓа на месноста “Гумење”, а во непосредна близина е и вечното почивалиште на легендата. Ова претставува еден објект кој е изграден во најмодерен стил, во форма на крст. Во внатрешноста можат да се погледнат многу лични предмети и облека на пејачот, многу фотографии од неговите концерти, текстови кои тој лично ги пишувал со рака, како и две восочни фигури. Сето тоа е надополнето со прекрасните звуци на песните кои ги создаваше нашиот Тоше, песни преку кои тој се уште продолжи да живее меѓу сите нас!

Во центарот на Крушево – црква Св. Никола

Во Крушево има четири цркви. Во минатото нивниот број бил и поголем, меѓутоа тие биле попримитивни, се до изградбата на модерни градби што започнала со доселувањето во градот на најпознатите балкански градители – Мијаците. Крушевските цркви импресионираат со својата архитектура, особено со внатрешниот простор. Во концепцијата на овие цркви, присутни се влијанијата на домашната традиција во оживувањето на базиликалната форма, како и на современите тенденции на романтичарските движења, што е карактеристика на градбите од овој вид низ Македонија.

Во самиот центар на градот, или некогашно Влашко маало, се наоѓа црквата св. Никола. Првично била изградена во периодот помеѓу 1770 и 1780 година, а денешната црква таква каква што е била изградена во 1905 година, бидејќи старата црква која била на истото место, изгорела кога градот бил запален во времето на Илинденското востание. Црквата е сместена точно во центарот на крушевската чаршија. Изградена е како трибродна базилика, со тоа што е подигнат средниот брод. На јужната страна на црквата е изградена камбанаријата, на која е поставен градскиот сат. Иконите во црквата ги изработил зографот Михаил, со синовите Данаил и Никола, а иконостасот е дело на познатите копаничари Петре Филиповиќ – Гарката и Димитар Станишев.

Црквите во Крушево и ден денес имаат голема улога и значење, не само во духовноста и животот на граѓаните, туку како значајни архитектонски обележја на градот и во функција на развојот на туризмот.

Црква Св. Троица во Череш маало

Во Крушево има четири цркви. Во минатото нивниот број бил и поголем, меѓутоа тие биле попримитивни, се до изградбата на модерни градби што започнала со доселувањето во градот на најпознатите балкански градители – Мијаците. Крушевските цркви импресионираат со својата архитектура, особено со внатрешниот простор. Во концепцијата на овие цркви, присутни се влијанијата на домашната традиција во оживувањето на базиликалната форма, како и на современите тенденции на романтичарските движења, што е карактеристика на градбите од овој вид низ Македонија.

Црквата св. Троица е првично е изградена во 1881 година. Лоцирана е на периферијата на градот, или поточно во Череш маало, веднаш под хотелот Монтана. Црквата била опожарена за време на Илинденското востание, но набргу потоа била повторно обновена.

Црквата е осветена во 2019 година и е отворена секој ден од 10 до 15 часот.

Влашката црква во Крушево

Во Крушево има четири цркви. Во минатото нивниот број бил и поголем, меѓутоа тие биле попримитивни, се до изградбата на модерни градби што започнала со доселувањето во градот на најпознатите балкански градители – Мијаците. Крушевските цркви импресионираат со својата архитектура, особено со внатрешниот простор. Во концепцијата на овие цркви, присутни се влијанијата на домашната традиција во оживувањето на базиликалната форма, како и на современите тенденции на романтичарските движења, што е карактеристика на градбите од овој вид низ Македонија.

Изградбата на црквата св. Јован, или уште попозната како “Влашката црква” започнала во во 1897 година, а завршила во 1905 година. Црквата локациски е сместена во непосредна близина на центарот на градот, во некогашното Таше маало. Иконостасот во црквата бил изработен од страна на Нестор и Лазар Алексиевски од село Осој. Во горниот дел на црквата е сместена галеријата на икони, кои датираат од многу старо време, како и други значајни артефакти. Специфично за оваа црква е тоа што во внатрешноста има две ѕидани печки, поставени симетрично во двата бочни бродови на црквата, кои исто ги има и во некои крушевски куќи. Вакви печки не се забележани во другите цркви низ Македонија.