Крушевски искуства

Мечкин камен деновиве – неповторлива прилика

Мечкин камен деновиве – неповторлива прилика

Само што сонцето угрее секое место во Крушево е од убаво – поубаво. Така е и деновиве на Мечкин камен.

Прошетката до Мечкин камен е уште една опција за љубителите на Крушево и природата. Да не испадне дека само Крушевско Езеро е убаво за прошетка. За промена може да го искористите убавото време и да испешачите добри 4 километри во еден правец и да уживате на есенското сонце на Мечкин камен.

Погледнете ги фотографиите. Есента е во полн ек. Глетката е преубава. Постелените лисја се декор на сите овие пејзажи. Летото е убаво. Есента подеднакво убава. Барем кога нема дождови.

Местата за седење и дружба се исто така одличен избор да поминете време и да одморите од искачувањето до Мечкин камен. Можеби ќе сакате да се појавите пред сонцето затоа што сепак се работи за есен во Крушево, но потрошете некој минутка на овие места од овој историски локалитет.

Драги наши љубители на Крушево. Ве очекуваме во Крушево. Да го искористиме топлото време, да ја искористиме убавата есен и да уживаме под отворено небо. Ова е неповторлива прилика.

Пишува: Сотир Габелоски

Share on:

Дали сте за прошетка во октомври? Место: Крушевско Езеро

Дали сте за прошетка во октомври? Место: Крушевско Езеро

Никогаш нема да ви станеме досадни со нашите фотографии и текстови за Крушевско Езеро и околината. Тоа место не’ обзема и во овие есенски денови, час врнежливи, час студени, ама секогаш прекрасно за пешачење.

Пред некој ден направивме одлични фотографии иако времето беше малку тмурно и облачно, а кога времето е такво тогаш боите не се толку живи. Сепак, нашите аматерски фотографии се прекрасни заради убавината на местото, заради неговата живост, заради раздвиженоста која е постојана.

Ајде, погледнете и кажете ни’ што мислите.

Околината не е помалку убава. Затоа викаме дека овој комплекс како целина е навистина здиво одземувачки :D.

И, сега? Дали и вие сте за прошетка на Крушевско Езеро во октомври?

Share on:

Вила ла Мунте за ново задоволство од Крушево

Вила ла Мунте за ново задоволство од Крушево

И со короната Крушево добив нови, проширени и подобрени сместувачки објекти. Денес ќе ја посетиме Вила ла Мунте.

Оваа вила е скоро реновирана и оспособена со 8 апартмани кои нудат комфор, современ изглед и, секако, одлична локација. Дека локацијата е навистина одлична погледнете ја фотографијата подолу.

Апартманите се целосно опремени и подготвени се за сите годишни времиња. Она што за нас е најпривлечно се живите бои кои ги обележуваат апартманите во кои, топло препорачуваме, ќе престојувате.

Следете ја Фејсбук страницата на Вила ла Мунте или контактирајте го нашиот тим за да ве поврземе со ова ново задоволство од Крушево.

Share on:

Крушево – неисцрпна инспирација

Крушево – неисцрпна инспирација

Времето изминатиот викенд беше променливо како никогаш досега, но ако навистина сакате да го восприемете ќе го искористите времето, паметно и максимално.

Денот го започнуваме со првото утринско кафе. Изминатиот викенд ја избравме локацијата хотел Панорам & спа. Вкусно кафе и прекрасен поглед додека чекате дождот да престане. Се надевате упорно на подобрување на временските услови додека гледате во градот кој е постелен под хотелот.

Само што сте тргнале да станете забележувајќи дека дождот спласнал, бранот се засилува повторно и продолжува да врне. Дождот ве обесхрабрува и повторно седите и надежно очекувате подобрување на времето.