Колку е само убаво за Божиќ
Градот нуди прекрасни чувства во периодот на Бадник и Божиќ. Покрај Нова година, 5-ти јануари, кога се одбележува Дева, 6-ти за Бадник и 7-ми за Божиќ во Крушево е величествено.
Уникатноста на Крушево лежи во празничниот ден кога се најавува Христовото раѓање. Млади и возрасни со црвена ѕвезда шетаат низ градот и ја пеат песната за да го најават Христовото раѓање. Овој празник се одбележува само во Крушево и Витлеем, Израел.
Младите и децата со рачно изработени ѕвезди ја пеат песната од куќа во куќа, од дом во дом, а домаќини пречекувајќи ги со насмевка даваат по некој „грош“ за да ги наградат децата.
Повозрасните, пак, носат со себе ѕвезда која е поголема и носи име на некои од црквите или манастирите во Крушево. Така, крушевчани даваат доброволен прилог по пеењето на песната и собраните средства остануваат на користење на црквите и манастирите.
Во прилог погледнете како, отприлика, звучи песната за Дева – линк тука.
Секоја година Дева се одбележува и со хуманитарна акција. Во центарот на Крушево се поставува импровизирана колиба и каса за донирање пари за првороденото бебе.
6-ти јануари е Бадник кога во Крушево НЕ се прави пита со паричка. Уникатноста лежи во тоа што крушевчани вртат паричка на Св. Василица или Стара Нова година, односно на 13-ти јануари.
Ова е уште еден празничен дека кога се прават прошетки, а попладнето и вечерта се посветени на семејството и домот. Крушевчани остануваат дома на празнична вечера и со посакување желби за здравје, среќа и успех.
7-ми јануари или Божиќ е уште еден ден кога низ улиците на Крушево се шири позитивна енергија, а луѓето си честитаат со реченицата Христос се роди.
Овие неколку денови се навистина убави во Крушево. На овие денови семејствата се обединуваат, пријателите се дружат и нема ништо друго од позитивна енергија и хуманизам. Затоа е толку убаво на овие денови да си во Крушево.
За многу години!
