Зимска сезона #рестарт; Снег во Крушево
Крушево е повторно обелено. Месец февруари го започнавме со снег и тоа многу повеќе од претходно. Зимската сезона се рестартира, а снегот е заслужен за прекрасниот изглед на Крушево.
Зимската сезона не е она вистинското без снегот. Затоа, од минатата сабота Крушево веќе изгледа поинаку, а веќе и многу повеќе луѓе почнаа да доаѓаат во нашиот град. Пред нас е викенд кој ќе биде прекрасен за скијање, прошетка и уживање дали на скијачките терени или некаде во градот.
Снегот е доволен во овој период за да го задржи вашето внимание. Снегот е доволен за прошетка, топол чај, скијање, чист воздух и 100% уживање. Фотографиите кои ви ги приложуваме се всушност само дел од убавината која може да се доживее уште овој викенд.
Не само што нема да погрешите, туку многу ќе пропуштите ако не дојдете во Крушево час поскоро и го доживеете прикажаното на фотографиите.
