Еднодневна тура на ТВ 21 за Крушево
Телевизиската куќа ТВ 21 направи еднодневна тура на Крушево во која ја претстави зимската идила на градот, богатството што со себе го носи и ги слушна проблемите на граѓаните заедно со ставот на носителите на одлуки.
Емисијата се вика Урбан таг, а прилогот за Крушево е наречен Репортажа за Крушево: Град музеј и зимската идила.
Емисијата погледнете ја на следниот линк:
ТУРИСТ ОД ОХРИД: Морам одново да се вратам во Крушево, чистиот воздух ви е најголемо богатство
Точно една недела од моето доаѓање во Крушево. Бевме заедно со мојата братучетка и со зетот иси поминавме преубаво. Само да ви кажам – Ви благодарам од срце на гостопримството. Ние си поминавме супер само ни фалеше снегот, но Крушево е убаво во секое време…
Најпрво бевме на манастир Свето Преображение. Не остави без здив. Се е добро осмислено и добро напредува. Иконостасот е толку жив. Секоја црква е убава но таму има нешто посебно… Се гледа дека се работи внимателно и вредно..В и благодарам на тоа… (не бевме единствено на крстот што ми е малку криво но ајде тоа за следниот пат)
Бевме и во Македониумот, бевме кај Тоше, таму не можевме да се доближиме поблиску поради градежните работи, но направивме еден круг. Драго ми е што конечно се осмелија да му го изградат вечното почивалиште кое веќе одамна требаше да е изграено… како и да е… ја посетивме и Спомен куќата ни се допадна многу, има топлина, љубов … носталгија….
И на крај отидовме во Скар. Храната беше на врв, топла и вкусна. Нарачавме две топени лути сирења и едно Крушевско грне, превкусно…се спријателивме со едно преслатко маченце таму кое не сакаше да се оддели од нас, а исто и јас би сакала да знам како се вика….
На заминување отидовме на Мечкин Камен, јас таму одам прв пат. И навистина ми е мило што ете го осетив тоа место лично и одблиску… И едно од најважните работи, љуѓе, имате пре, пре пречист воздух. Додека патувавме секаде беше магла-бело како се доближувавме до Крушево градовите назад останаа долу се ама се, буквално се беше бело, во Крушево си го измивме погледот и се ни се избистри. Не давајте никој да ви го земе тоа…
Ви Благодарам уште безброј пати на гостопримството…на се… Едвај чекам да се вратам.
За малку ќе заборавев. Имате превкусни колбаси, моето семејство ги бендиса многу на мое огромно задоволство. Нешто превкусно немам пробано, навистина. Ви благодарам и на тоа….. Ќе го заборавев езерото, имав огромна желба да го видам, зашто секогаш го гледав на интрнет и ми се допаѓа многу таму навистина, местото е како разгледница, не знам, барем јас го доживувам така….
До следното доаѓање, голем и срдечен поздрав од Охрид Среќен нека ви е утрешниот празник Водици за многу години Наташа.
ПРЕДЛОГ ТУРА ЗА ВИКЕНД: Гумење – Бегова Корија – ски центар Станич
Пред нас е уште едеn викенд, се надеваме сончев, секако, и истиот треба да го поминете најубаво што можеме.
Тогаш, ви ја предлагаме следнава тура за овој викенд.
Од каде што сте сместени тргнете кон „Гумење“. По пат купете си вода (предлог: маркет Џокере). Кога ќе ја здогледате спомен куќата „Тодор Проески“ продолжете право со што таа ќе дојде од Вашата десна страна. Ја одминувате и продолжувате кон детското одморалиште „Бегова Корија“.
Ја одминувате Бегова Корија и навлегувате во тунелот од шума. Стигнувате до чешмата викана „АРМ“ и се исклучувате од главниот пат.
Зафаќате по земјениот пат и на „прва крстосница вртите лево. Патот ќе ве одведе до Станич. Ви препорачуваме да испиете кафе или топло вино во Брвнара Шапе или ресторан Алто.
Можете да се вратите по истиот пат или да искористите жичарница.
Оваа пешачка тура е во групата „лесни“ и ја препорачуваме за сите возрасти.
Препознатливо место за туристите од балканот – манастир Св. Преображение
Манастирот Свето Преображение се наоѓа надвор од Крушево на повеќе од 1 700 метри надморска висина и се смета за втор дом на познатиот македонски пејач Тоше Проески.
Овој манастир е преодна точка за планинските велосипедисти и планинарите на патот кон Мусица, на 1 780 м.н.в., а неговата изградба е почната од многу одамна.
Секој 18-ти август крушевчани се збираат тука по повод празникот Св. Преображение, а помладите ја поминуваат ноќта во шумата под отворено небо со запален оган.
Оддалечен 8 километри од градот манастирот е едно од најпопуларните места за балканските туристи.
