Од ски центар до место за сите сезони

Од ски центар до место за сите сезони

Ски центарот Станич навистина прераснува во место за 4 сезони. Ако зимата се качувавме со жичарницата на ноќно скијање, деновиве тоа го правиме за да направиме прошетка, да го пробаме авантуристичкиот парк и остантите искуства на ова место.

Минатиот викенд се упатив кон жичарницата. Информиран бев дека работи и може да се користи од утрото, па се до 16 часот. Купив карта која вклучува користење и на ресторанот на Станич. Навистина, добра понуда!

Возењето со жичарницата е навистина убавина. Ние, крушевчани, жичарницата ја поистоветуваме со зима и ова е ново искуство. Но, навистина доживувањето беше едно од централните овој ден 😀

По симнувањет од жичарница следува спуштање до ресторанот каде што може да се почне со кафе и закуска или пак може да се проба возење со Go – cart или тестирање на авантуристичките способности во авантуристичкиот парк – спуштање на јаже, искачување карпа и друго. Ова место има и кошаркарски терен, така што спортските потреби можат да бидат целосно задоволени.

Мојот престој продолжи со закуска во ресторанот, кратка прошетка и спуштање со жичарницата. Спуштањето е уште поубаво искуство. Додека сте во воздух, но и штом стапнете на земја се чувствувате ослободен, релаксирано, сите мускули ви се разлабавени.

Станич е наше место за било кое време. Секогаш со содржини за да го направат престојот во Крушево поубав. Време е за четири сезонска авантура.

Пишува: Сотир Габелоски

Крушево во септември – еве што не очекува

Крушево во септември – еве што не очекува

Веќе неколку дена нова група на параглајдеристи од Европа престојуваат во Крушево и се подготвуваат нови меѓународни натпревари, а пред нас е уште еден викенд во кој ќе се одржи градска улична трка и Крушево низ корија.

Прочитајте повеќе: Градска улична трка овој викенд во Крушево

Сончевото време ја продолжува летната сезона во Крушево. Времето е исполнето со содржини, но и без некои несекојдневни настани тука се жичарницата во Крушево и ски центарот Станич кој е преобразен во центар за 4 сезони.

Пред само 2 дена во Крушево пристигна нова група на параглајдеристи. Како што претходно најавивме во месец септември не’ очекуваат два параглајдинг натпревари, а попатно гледаме дека има и многу настани.

Покрај Крушево низ корија и градската улична трка утре во 18 часот веќе наредниот викенд продолжува со Krushevo Trail Challenge кој беше преходно одложен.

Прочитајте повеќе: Настани се одложуваат, но не откажуваат

Но, има уште нешто. Тоа се вечерните пејзажи на Крушево. Верувајте тие се неодоливи.

Градска улична трка овој викенд во Крушево

Градска улична трка овој викенд во Крушево

На 4-ти септември со улична трка низ улиците на Крушево ќе се одбележи Денот на независноста и Денот на ослободување на Крушево.

Засега се пријавени околу 30 учесници, а трката ќе започне во 18 часот пред платото на Гумење. За и вие да се пријавите користете го следниот линк.

Подолу може да ја погледнете мапата каде ќе се одвива трката.

Градската улична трка е дел од проектот„Малдински активизам за еко туризам“ кој го спроведува НВО „Центар за хумани односи“ – Крушево со финансиска поддршка на Агенцијата за спорт и млади, а во партнерство со општина Крушево

Овој викенд покрај оваа трка не’ очекува и фестивалот Крушево низ корија што значи имаме исполнет викенд во Крушево.

Флајмастер опен – уште едно параглајдинг првенство во Крушево

Флајмастер опен – уште едно параглајдинг првенство во Крушево

Веќе неколку дена во тек е уште едно големо параглајдинг првенство. Се работи за Флајмастер опен кој традиционално се одржува во Крушево со години на назад.

Крушево е исполнето со параглајдеристи од цела Европа, но и други континенти, а крушевското небо…. не е потребен опис, само погледнете ја фотографијата подолу.

Ова е второ првенство кое се одржува ова лето во Крушево, а до крајот на септември ќе с еодржат уште две. Но, тука се и параглајдеристи од целиот свет со различно ниво на познавање на спортот кои доаѓаат рекреативно и не се учесници на првенствата. Тука се да го восприемаат крушевското небо, пријатниот ветер и чистиот воздух.

Од почетокот на август тимот на Викенд во Крушево доби многу повици и пораки за тандем параглајдинг. Интересот за ова искуство е навистина голем. Бидете и вие авантуристи и пробајте го ова несекојдневно чувство.

Sotir