Ди џејот кој настапуваше во Крушево достигнува светска препознатливост

Ди џејот кој настапуваше во Крушево достигнува светска препознатливост

Одлучивме да напишеме текст за еден од омилените ди џеи на Крушево – Галоски. Зошто? Затоа што во изминатите неколку седмици забележува огромни успеси и навистина сме горди што овој ди џеј од светски калибар настапувал во неколку наврати во Крушево.

За прват Галоски настапи на второто издание на Бела ноќ. Неколку години потоа и на фестивалот When in Krusevo, во периодот кога овој фестивал се градеше како еден од најпопуларните настани во нашиот град. Последниот настап на овој ди џеј беше во 2019-та година како дел од Десет дена Крушевска Република.

Како автор Галоски е поддржан од голем број на светски имиња од музичката индустрија. Меѓу нив се Тиесто, Афроџак, Fedde Le Grand и други. Во моментот, тетовскиот ди џеј има две негови песни на најдобрата и водечка ди џеј листа во светот – 1001 Tracklist,

Неговиот последен хит е во етерет само неколку дена, а веќе крева многу прашина на светската сцена. Got Me Feeling од еминентниот Билборд е оценета со највисок рејтинг, а промотивно песната беше емитувана на едно од најслушаните радиа во Холандија.

Претходно, песната Wasting My Time исто така го достигна врвот на најеминентната листа во светот.

Галоски прераснува во светки познат ди џеј и вистински репрезент на Македонија и на музичката сцена во нашата држава. Секако, овој музички автор заслужува многу поголемо внимание, затоа што неговата кариера молскавично се развива.

Се радуваме што Галоски настапувал во Крушево и бил пример за локалните ди џеи во развојот на нивната кариера.

Кога зборуваме за Галоски него го сметаме и за наш пријател. Пишувавме и за тоа – Галоски – синоним за скромност и нескротлива амбиција

Овој напис носи уште една порака – да си го цениме нашето македонското. Во кризата со Ковид-19 домашните туристички дестинации го добија своето заслужено внимание, но тоа треба да важи за музиката, спортот, културата генерално и се друго.

Скар: Со новиот проект сакаме да се заљубите во Крушево (уште повеќе)

Скар: Со новиот проект сакаме да се заљубите во Крушево (уште повеќе)

За многу брзо пицерија Скар Крушево ќе го претстави својот нов проект – Свети Никола Boutique Hotel {by skar}.

Тоа ќе биде вашето ново место за нови спомени од Крушево. Тоа ќе биде ваше катче исполнето со традиција и историја, а секој ден ќе уживатe во прекрасните пејзажи од Крушево со самото будење.

23 години пицерија Скар ви овозможува уникатно уживање во традиционалните крушевски специјалитети и амбиент кој е уникатно крушевски. Оттука, тимот се одлучи вашето доживување на Крушево да го прошири и на гостите да им овозможи создавање на нови убави спомени од Крушево.

Поттикнати од желбата за претставување на Крушево на начин кој ќе ве натера уште повеќе да го засакате Скар започна нов проект кој го носи името Св. Никола. Бутик хотелот ќе ви овозможи пријатен престој, целосно восприемање на Крушево од апартмани кои имаат своја приказна и создавање на нови пријатни искуства од нашиот град.

Ве покануваме да бидете стрпливи уште малку. Проектот е речиси готов и ќе биде на ваше располагање за многу скоро.

Создавајте нови спомени со пицерија Скар и Св. Никола Boutique Hotel.

Следете ја официјалната страница на Св. Никола Boutique Hotel {by skar}

И во зима и во лето ски терените привлекуваат

И во зима и во лето ски терените привлекуваат

Наближува зимата, а ски центарот Алто ќе биде главната станица за сите љубители на снегот, зимското сонце и уживањето во новиот локал на ски терените во Крушево.

Времето се’ уште знае да не’ збуни и за момент да помислиме дека е пролет. Сончево е, пријатно и погодно за прошетка и спортување на отворено. Ски терените Станич во Крушево блескаат иако се’ уште без снег. Пределот е прекрасен, сонцето најдолго се задржува таму, а мирисот на природата ќе ве релаксира неизмерно.

Ски терените беа особено популарни изминатото лето. Многу од туристите ги користеа пријатните шумски предели за прошетка и застануваа на пијалок или закуска во Алто. Овој нов објект навистина ги популаризира ски терените дури и во останатите периоди од годината. Ова лето, а богами и оваа есен е доказ за тоа.

Така што очекуваме оваа популарност да се зголемува и во зимата. Ски терените се одлични за скијање, но и за прошетка и кафе муабет доколку не сте по скијањето.

Се чини дека конечно природните ресурси на Крушево го добиваат своето внимание. Ски центарот Станич е само еден од тие локалитети кои полека, но сигурно го реализираат својот потенцијал.

Оваа зима ве очекуваме во Крушево – вашата најбезбедна дестинација.

Првите компјутери пристигнаа, два ученици сега следат онлајн настава

Првите компјутери пристигнаа, два ученици сега следат онлајн настава

Викенд во Крушево – Вашиот онлајн туристички започна со акција Донирај компјутер преку која ќе се потрудиме да обезбедиме компјутери за деца од Крушево кои не можат да следат „онлајн“ настава.

Првиот компјутер веќе пристигна, а пред неколку дена беше доделен и вториот компјутер.

Оваа акција ја спроведуваме заедно со организторите на фестивалот Крушево низ корија и ги повикуваме сите кои имаат функционални компјутери да ги донираат за да се овозможи на сите деца да следат настава во период на пандемија.

„Нашата работа е да го промовираме Крушево и да ги информираме сите туристи за се што е поврзано со туризмот во нашиот град. Но, решивме да бидеме и општествено одговорни и да помогнеме на најмладите. Оттука, заедно со Крушево низ корија“ ја започнуваме акцијата Донирај компјутер.

Сите кои можат да донираат нека го направат тоа, а тимот на Викенд во Крушево ќе се погрижи компјутерот да заврши на вистинското место.“ велат од тимот на Викенд во Крушево.