И оваа година „Крушево низ корија“

И оваа година „Крушево низ корија“

Оваа година фестивалот Крушево низ корија ќе се одржи на 14-ти и 15 август. Овој настан се одржува по 7-ми пат во Крушево, а главната локација е Мечкин Камен.

Лабаво, како секоја година, ќе се собериме во кампот на Мечкин камен на 14 и 15 Август и ќе реализираме дводневна дружба за сите љубители на природата, адреналинот и спортот…..рокенрол и добра чашка се задолжителни.(авторски права за последниов муабет не се побарани Вратите се отворени за сите волонтери, добронамерници, добри људи и пријатели на фестивалот..

ве очекуваме, заеднички да напрајме уште еден квалитетен настан….седми пат по ред, не е мала заебанција – пишуваат организаторите на страницата на фестивалот.

Велосипедските тури се одржуваат на распространетите планински предели околу Крушево и вклучуваат неколку видови на тури.

Повеќе информации на официјалната Фејсбук страница на настанот.

Share on:

Трки во трчање, август 2021 во Крушево

Трки во трчање, август 2021 во Крушево

Од 6-ти до 8-ми август во Крушево ќе се одржат трки во трчање во рамки на настанот Krushevo Trail Challenge.

Во рамки на овој настан ќе се одржат 5 типа на трки:

3 in 1 marathon
Panorama half marathon
Altro Trail 13k
Urban trail 8 k
Fun Race

Се работи за настан кој е меѓународен и од оваа година започнува да се одржува во Крушево. Настанот овозможува адреналин, истражување на природата и дружба.

Информации за настанот и пријавување на официјалната „Фејсбук“ страница.

Share on:

Јавање коњи – нова сезона нова авантура

Јавање коњи – нова сезона нова авантура

Во Крушево целосно се рестартира и јавањето коњи. Ова е се’ уште релативно ново искуство во нашиот град и недоволно истражено.

Многу од оние кои веќе го пробале ова искуство во Крушево веќе го препорачуваат јавањето на коњи, а она што е дополнително привлечно се самите предели по кои се организираат турите.

Турите се организирани на едно многу професионално ниво и единствено што треба да направите е да го исконтактирате клубот и да си ја закажете својата тура/авантура.

За да погледнете повеќе фотографии и да се информирате следете ја официјалната страница на Коњичкиот клуб Мусица.

Share on:

Крушевско Езеро навечер делува магично ФОТО

Крушевско Езеро навечер делува магично ФОТО

Нашето омилено Крушевско Езеро се подготвува да биде најубавото место и во вечерните и ноќните часови. Започна осветлувањето и за почеток е осветлена браната, односно патеката која го врзува едниот со другиот крај на езерото и патеките за пешачење и велосипед.

Патот до Езеро ќе биде исто така осветлен, а фотографиите кои ги направивме му даваат дополнителна живост на местото.

Местото делува магично. Вечерните прошетки сега ќе бидат подеднакво убави како и денските.

Погледот кон осветлениот дел е навистина нешто прекрасно. Заедно со околните светилки местото добива свој вечерен дух.

Магијата на Крушевско Езеро делува бескрајна. Фотографиите го потврдуваат тоа, но мора да го посетите ова место и во вечерните часови за целосно да го доживеете чувството.

Share on:

Блог