Тука горе на 1250…

Тука горе на 1250…

Тука горе на 1 250 метри надморска висина е поинаку. Тука горе на 1 250 се’ изгледа поинаку, се’ изгледа совршено, како во рај.

Тука горе на 1 250 си на врвот од сите. Од високо гледаш кон Пелагонија и соседните општини. Тука горе си над сите и се чувствуваш возвишено.

Тука горе на 1 250 чистиот воздух и мирот се најголемата придобивка. Тука горе на 1 250 чувството е уникатно, а како што газиш на врвот од светот и одиш уште нагоре се чувствуваш слободно, недопирливо и опкружен си со несекојдневни пејзажи.

Тука горе на 1 250 сонцето свети најсилно, а планините имаа сјајна зелена боја невидена на друго место. Тука горе можеш да одиш уште погоре и да го достигнеш врвот на секое ритче, секоја планина, секој природен пик.

Тука горе на 1 250 е полетиштето за параглајдинг на 1 400 м.н.в.. Тука горе на 1 250 е манастирот Св. Преображение, а погоре врвот Мусица на 1788 м.н.в. Тука горе е жичарницата, хотелите Монтана и Панорама, споменикот на Питу Гули и многу други локалитети кои нудат пејзажи што здив одземаат.

Тука горе виножитото после дождот е најсјано и најразнолико.

Тука горе на 1 250 се уникатните крушевски специјалитети, тука се историјата, културата и традицијата. Тука на 1 250 има локум, крушевска пита, мед, овчко сирење. Тука на 1 250 живеат спомените на Карев, Питу, партизаните, Тоше Проески. Тука горе на 1 250 е еден од најуникатните споменици во светот – споменикот Илинден дел од проектот Македониум. Тука на 1 250 е спомен куќата на Тоше, тука е неговата улица и тука се неговите песни како негов спомен.

Тука на 1 250 е Крушевското Езеро кое ќе ти понуди спас од сите грижи и стрес. Тука на 1 250 имаш адреналин во повеќе форми. Тука на 1 250 е природата која ти фали во животот.

Тука на 1 250 ќе најдеш убавина несвојствена за Македонија. Тука на 1 250 ќе најдеш богатство, ќе најдеш уникатност во природа, гостопримство и насмевки.

Тука на 1 250 улиците се поинакви. Чекорот по нив е поинаков. Чувството е нешто посебно.

Дојди овде, на 1 250 метри надморска висина и почувствувај нешто што не се опишува со зборови.

Сотир Габелоски

Share on:

On Top Apartments и пицерија Рома со одлична понуда за месец јули

On Top Apartments и пицерија Рома со одлична понуда за месец јули

On Top Apartments и пицерија Рома нудат 4 ноќевања со бесплатен појадок преку користење на ваучерите за туризам.

On Top Apartments се речиси исполнети за цел месец јули и затоа оваа понуда е вистинска придобивка за вас. Дополнително, имате можност да ги вкусите храната и амбиентот на една од најдобрите пицерии во градот.

Понуда бр.1 за користење на #ваучер за туризам во #OnTopApartments Крушево:
*4 ноќевања со доручек во Пица Ресторан Рома – Крушево, за 2 лица- без дополнителна доплата. Повелете, резервирајте ги последните термини за месец јули.
?Одберете уживање во #TopRated Апартман во Крушево, прекрасна глетка и превкусна, квалитетна храна во #Roma
☎️ 078 843 685

Линк до изворната објава официјалната Фејсбук страница на On Top Apartments тука.

Share on:

Дома си е дома – Дали конечно ќе „не освести“ ова?

Дома си е дома – Дали конечно ќе „не освести“ ова?

Од дамнешни времиња, или поточно од кога постои човекот, постои и потребата за патување, првенствено заради потреби како менување на местото на живеење, наоѓање на храна, плодна почва итн. Од друга страна, човекот патува и за одмор и релаксација, за да го запознае светот и да го види начинот на живеење и културите на другите народи, што претставува нешто од кое може најмногу да се научи и да се добие едно животно искуство кое вреди повеќе од пари или било какви материјални нешта и е искуство кое никој не може да ни го земе. Секое место во светот е вредно да се посети, меѓутоа, не секое место може да се пофали со природни услови за развој на туризмот.

Некаде природата не штедела од таа гледна точка и го создала она што е ретко, необично, несекојдневно и вреди да се види секако. Таква една земја е нашата Македонија. Земја која поседува многу природни богатства како планини, котлини, езера, кањони и други природни реткости кои треба да се видат. Земја позната по производството на тутун, пиперки, земја во која се произведуваат едни од најдобрите вина кои се светски познати.

Името Македонија и Македонците како народ се познати од многу одамна. Можеби, нашата држава е една од најстарите во светот. Така што, тука освен тоа што постојат природни реткости кои вреди да се видат, постојат и многу споменици и места каде се одиграле клучни историски настани. Исто така, има и многу антички локалитети и градби кои се зачувани до денес, а потекнуваат од римско, византиско, турско, па и од поново време. Сето ова ја прави нашата земја една интересна туристичка дестинација која вреди да се истражи.

Македонците, пак, како народ се познати по тоа што се гостопримливи и пријателски расположени. За да некој каже дека патувал и вистина научил нешто од тоа, добил некое искуство, треба прво да патува низ својата земја, да го осознае прво своето, да е свесен кој е и од каде потекнува, каква е неговата култура, па дури потоа да патува низ светот и да научи нови места, нови култури, а истовремено и да ја претстави својата земја таму каде што оди, а во случајот со нашата земја има многу што да се претстави. Секој човек треба да е амбасадор прво на местото од каде што потекнува, а потоа и на својата држава и својата култура.

Кај нас, за жал, од една страна постојат многу луѓе кои не прошетале или недоволно прошетале и недоволно ја запознале нашата држава, па сметаат дека Македонија нема некој голем потенцијал за патување и истражување. Од друга страна пак, постојат луѓе кои го посетиле скоро секое место низ нашата држава и се свесни дека имаме нешто кое вреди да се посетува одново и одново, како и да се промовира секаде низ светот.

Во последните неколку месеци, заради светската криза со вирусот Ковид 19, се почести се патувањата низ нашите туристички центри и се почесто може да се видат различни реклами кои ги претставуваат нашите дестинации и нивните потенцијали, нешто што реално требаше да се случи многу порано. Се наметнува прашањето, дали треба да се случи светска криза, за ние како народ конечно да се сетиме дека треба да си ја запознаеме нашата земја, да си ја цениме како што сите нормални народи си ги ценат своите земји, своите култури и се она нивно што е посебно и специфично во однос на другите земји и народи?

Секое нешто што се случува на Земјата, си има свои позитивни и негативни страни. Во црното секогаш има бела точка и обратно, според законот на „јинг и јанг“, еден од основните концепти во кинеската филозофија. Можеби коронавирусот ќе не „освести“ на некој начин и конечно ќе почнеме да си ја цениме и сакаме нашата држава.

Или, сепак не?

Наум Прешоски

Share on:

Крушево голем играч на македонската туристичка сцена

Крушево голем играч на македонската туристичка сцена

Викендот што измина екипа на туристичката компанија ЈК травел беше на истражување на потенцијалите и на фотосесија на Крушево. Ова е втора посета на Крушево од еминентни туристички работници во насока на промоција на домашните дестинации.

Една од најголемите туристички агенции во Македонија направи одлични фотографии во кои спаѓа параглајдингот, јавање коњи и слично. Фотографиите ги очекуваме за многу скоро.

Прочитајте повеќе Локалните вили започнуваат соработка со најголемите туристички агенции

Крушево станува се попримамлива дестинација и се поголем играч на теренот на туризмот. Тоа се покажа преку посетата на Агенцијата за промоција и поддршка туризмот, а сега и преку компанијата ЈК травел.

Share on:

Блог