Нови велосипедски патеки, Крушево станува центар на светскиот планински велосипедизам

Нови велосипедски патеки, Крушево станува центар на светскиот планински велосипедизам

Во Крушево се подготвуваат нови патеки за планински велосипедизам и креирање на Flow Trail патека за многу светски натпреварувања да се одржуваат токму во Крушево.

Panorama All Seasson Adventure во соработка со општина Крушево и 7-кратниот светски првак во планински велосипедизам Ралф Неф работат на уредување на овие патеки. Патеките кои ќе се оспособат ќе бидат со различни нивоа на екстремност.

Од хотелот Панорама и спа велат дека во тек е првата фаза на расчистување на веќе постоечки патеки, по што ќе се поставуваат знаци и табли.

Нова атракција во Крушево

За наредната сезона, започнувајќи од март месец 2021, доколку се оди по планираното, конечно ќе се оствари посетата на Швајцарските експерти меѓу кои и Ралф Неф (7 кратен Светски првак и Олимписко злато) се со цел да се промовираат и усовршат сите патеки. Целата е секако и некој од познатите натпреварувања од Светски карактер да се одржат во Крушево.

Flow trail патеките се добро познати на брзите велосипедисти и љубиели на планинскиот велосипедзам, Планината Мусица 1788м.н.в. има голем потенцијал за вакви патеки и со помош на нашата компанија и Општината, планирано е да се креираат околу 15 километри вистинска адреналинска линија. – пишува на официјалниот веб сајт на хотел Панорама и спа.

Во видеото подолу погледнете какви трки би се одржувале во Крушево на новите flow trail патеки.

Share on:

МИР, СПОКОЈ, ТИШИНА – Манастир Св. Спас

МИР, СПОКОЈ, ТИШИНА – Манастир Св. Спас

Кога сте во Крушево не смеете да го одминете манастирот Св. Спас кој се наоѓа во подножјето на Крушево. Покрај манастирот Св. Преображение овој манастир е еден од најпосетуваните, а се наоѓа длабоко во шумата под Крушево.

До манастирот Св. Спас се оди пеш за околу 45 минути по шумски патчиња, или со автомобил исклучувајќи се од регионалниот пат Кривогаштани – Крушево. До самиот манастир ве води асфалтен пат, така што не се вознемирувајте – до таму ќе стигнете со вашето возило.

Ова место ќе ви понуди близок контакт со природата, а самиот двор е уреден со многу цветови и уникатни плочки. Исто така, можете да ноќевате во овој манастир, односно во нови и свежо уредени соби.

Природата ќе ви даде мир и спокој, а ќе се изнадишете свеж воздух и ќе се освежите од летните температури. Тука климата е посвежа и е идеално за ваше реласкирање и тргање од бучава и градски хаос.

Оаза на мирот – манастир Св. Спас

Можете да се напиете и чиста изворска вода. На тој начин да се освежите и да го почувствувате природното одблиску.

Црквата е исто така многу убава, а домаќините на манастирот одржуваат редовна дезинфекција.

Во дворот на манастирот, до самата црква има и стар конак со сини врати и прозорци, кои се карактеристични и за крушевските куќи од тој период. Конакот има и висок чардак од каде можете да уживате во прекрасниот поглед кон најголемата котлина во Македонија – Пелагонија, а од другите страни гледате кон прекрасната букова корија која ги менува боите во зависност од годишните времиња. Конакот на манастирот има голем број на соби, каде гостите имаат можност и да ноќева. Во поново време, изграден е уште еден нов конак на другата страна од црквата.

На само 15 минути пешачење се наоѓа црквата Св. Василие која е релативно нова. До таму ви препорачуваме да отидете пешки по шумскиот пат.

Длабоко во планината – црква Св. Василие

Ова место ќе ви донесе мир, спокој и тишина. Свежите бои, цвеќињата и пријатната атмосфера се идеални за неколку часовен одмор. Посетете го манастирот Св. Спас.

Прочитајте повеќе: Предлог манастирска тура

Share on:

Трејлерот за Крушево е тука, го очекуваме целосното видео

Трејлерот за Крушево е тука, го очекуваме целосното видео

Најавното видео за Крушево кое го изработува Агенцијата за промоција и поддршка на туризмот и партнерите е објавено. За многу скоро го очекуваме целосното видео, а по она што е објавено ќе биде неодоливо! #ДомаСиЕДома

Share on:

Во Крушево на малку историја, чувство на херојство и адреналин

Во Крушево на малку историја, чувство на херојство и адреналин

Крушево е синоним за херојство и тоа е отсликано преку многу крушевски локалитети, споменици, музеи. Херојството е најмногу поврзано со Крушевската Република од 1903-та, но не е изоставен придонесот на Партизаните, односно оваа фаза од историјата.

Крушево е важно историско место не само заради битките кои се воделе, туку и заради самиот развој на Крушево кој опфаќал различни етнички заедници. Денес Крушево е тријазична општина и симбол на соработката меѓу различни етникуми која датира од векови претходно.

Овие неколку вредности играат главна улога во туристичката понуда на градот. Покрај понудата од аспект на авантуристички туризам Крршево може да понуди и историја, многу настани кои создале слика за Крушево дека се работи за херојско место со голем удел во македонската историја.

Споменикот Илинден е еден од најпрепознатливите споменици во Крушево. Симболот на борбата на македонскиот народ е од особен интерес на странските туристи. Дополнително, самата архитектура на споменик создава голема љубопитност да се види и посети музејот.

Прочитај повеќе: Илинденско востание од 1903: историски пораки и значење

Се одржуваат и многу настани кои ги одбележуваат историјата и херојството на Крушево, а заедничката битка за слобода за Крушево создала многу приказни секогаш интереси за туристите.

Крушево има широка понуда и имате навистина многу причини да не’ посетите, затоа овој викенд ајде во Крушево на малку историја, чувство на херојство, а неизбежен е и адреналинот.

Share on:

Знаменитости