Знаменитости

Влашката црква во Крушево

Во Крушево има четири цркви. Во минатото нивниот број бил и поголем, меѓутоа тие биле попримитивни, се до изградбата на модерни градби што започнала со доселувањето во градот на најпознатите балкански градители – Мијаците. Крушевските цркви импресионираат со својата архитектура, особено со внатрешниот простор. Во концепцијата на овие цркви, присутни се влијанијата на домашната традиција во оживувањето на базиликалната форма, како и на современите тенденции на романтичарските движења, што е карактеристика на градбите од овој вид низ Македонија.

Изградбата на црквата св. Јован, или уште попозната како “Влашката црква” започнала во во 1897 година, а завршила во 1905 година. Црквата локациски е сместена во непосредна близина на центарот на градот, во некогашното Таше маало. Иконостасот во црквата бил изработен од страна на Нестор и Лазар Алексиевски од село Осој. Во горниот дел на црквата е сместена галеријата на икони, кои датираат од многу старо време, како и други значајни артефакти. Специфично за оваа црква е тоа што во внатрешноста има две ѕидани печки, поставени симетрично во двата бочни бродови на црквата, кои исто ги има и во некои крушевски куќи. Вакви печки не се забележани во другите цркви низ Македонија.

Која е најстарата црква во Крушево?

Најстара црква во градот е црквата св. Богородица, која е изградена во 1867 година. Црквата е трибродна базилика и е сместена на периферија, или поточно во Мијачкото маало.

Во Крушево има четири цркви. Во минатото нивниот број бил и поголем, меѓутоа тие биле попримитивни, се до изградбата на модерни градби што започнала со доселувањето во градот на најпознатите балкански градители – Мијаците. Крушевските цркви импресионираат со својата архитектура, особено со внатрешниот простор. Во концепцијата на овие цркви, присутни се влијанијата на домашната традиција во оживувањето на базиликалната форма, како и на современите тенденции на романтичарските движења, што е карактеристика на градбите од овој вид низ Македонија.

Црквите денес покрај тоа што се верски објекти тие се едно од најсилните обележја на Крушево кои ги симболизираат историјата, културата и туристичкиот потенцијал на градот. Црквите Св. Никола, Св. Јован. Св. Троица и Св. Богородица се отворени секој ден за посета.

Крушевска корија

Во градот Крушево и околината има повеќе типови на дрвја и шуми. Крушевската корија со која е опкружен градот претставува едно од главните обележја. Особено се пријатни прошетките низ коријата во летните месеци, кога температурата е повисока. Во околината на градот, најмногу е застапена буковата шума, доста ја има и боровата шума (црн и бел бор), а се среќава и дабова шума. Покрај овие видови на дрвја, застапени се и некои автохтони видови, како на пример: сребрена липа и големолисна липа, црн јасен, костен, трепетлика, дива или козја врба, модра смрека и други.

Буковата корија која го обиколува градот од северната, северо-западната и западната страна, се карактеризира со специфичности кои му даваат значајна еколошка, заштитна, туристичка и економска вредност на ова подрачје. Површината на која се наоѓа коријата претставува природен насад од бука, а возраста на стеблата е од 150 до 280 години, а шумата се протега на надморска висина од 1160 до 1370 метри. Значајна е да се спомене буката кај хотелот “Панорама” која претставува симбол на хотелот и е стара над 300 години.

Манастирот на Тоше

На пространите падини, јужно од градот, на надморска висина од 1664 метри се наоѓа манастирот “Св.Преображение”. Овој манастир е оддалечен околу 10 километри северозападно од градот. До него има изграден пат и може да се стигне со возило или со планинарење.

Изградбата на денешната црква започнала во 1984 година, а при подготовките на теренот, на истото место се пронајдени темели на една еднокорабна и една трикорабна базилика. Изграден е и нов конак, каде посетителите слободно можат да ноќеваат.

Во близина на манастирот, неодамна е поставен голем крст, од каде има неверојатен поглед на цела Пелагонија, околните крушевски села и градот Прилеп. Во неколку збора, уште едно прекрасно место кое вреди да се посети и Ви нуди духовна смиреност и уживање во прекрасната природа.