Празнувањето на Дева започна, целта е хуманитарна
Започнува чествувањето на празникот Дева кој има хуманитарна цел со дарување на првото бебе родено по 5-ти јануари 2021 кога и практично се одбележува празникот.
Овој настан е дел од проектот „Одржлив развој на туризмот“, а одбележувањето годинава започна на 30-ти декември со поставување на колиба и каса за собирање пари за првороденото бебе.
Оваа година настанот е во значително помала форма заради коронавирусот и затоа секој кој сака да донира тоа може да го направи во градскиот парк во поставената каса. Целта, според организаторите, е настанот да биде забележан од туристите, а традицијата да биде испочитувана.
Ова е осмо по ред издание, а здруженијата на граѓаните од градот можат да го поддржат настанот со тоа што ќе изложат крушевски изработки во градскиот парк.
