Улицата на Тоше во ноќните часови
Во вечерните и ноќните часови Улицата на Тоше изгледа подеднакво убаво. Боите на цвеќињата и тревата се впечатливи како и дење, тишината е засилена, а песните на Тоше доаѓаат до израз и споменикот сјае.
Чекорот по улицата во вечерните часови по крушевските скали сега има поинакво чувство. Тука е пријатниот мирис, тука се песните и јасно е осветлено името на улицата. Центарот на Крушево доби уште едно убаво место по кое не смеете да не поминете во вашите вечерни прошетки.
Улицата ја има истата енергија како и при дневна светлина. Дефинитивно, ова е едно од најубавите места во Крушево.
