Проект на неделата: Европски куп во параглајдинг Крушево 2019
Пролетниот европски параглајдинг куп – Крушево 2019 беше еден од најголемите настани во Крушево минатата година кој ја прошири туристичката сезона.
Се одржа во месец мај со учесници од цела Европа, а го организираше општина Крушево со поддршка на Хели ХЦ клубот и во рамки на проектот Кругот на адреналинот – развој на авантуристички туризам во Крушево.
Овој настан и целиот проект имаше за цел да ја збогати туристичката понуда на Крушево со посебен фокус на авантуристичките и активни туристи.
Во моментот на одржување на Европскиот параглајдинг куп проектот беше прогласен за проект на неделата.
„Пролетен Меѓународен Куп Крушево 2019“ – Еднонеделна авантура на небото над Мечкин Камен за сите љубители на параглајдерството. Го зацврстуваме #Крушево на мапата на храбрите заљубеници на височините од целиот свет. Meѓународниот куп е поддржан од #LRCP со средства обезбедени од Европската Унија, Владата на Република Северна Македонија и Општина Крушево.
#ЕУзаТЕБЕ #Tуризам #ПотпроектНаНеделата #ОпштинаКрушево – стои во објавата на официјалната Фејсбукс трана на Проектот за регионална конкурентност во чии рамки се имплементираа купот и целиот проект.
Годинава, параглајдинг натпреварите се очекува за продолжат од август, а до тогаш во Крушево доаѓаат многу рекреативци кои го користат полетиштето на Мечкин Камен за да летаат над градот и Пелагонија.
