Крушево има богата зимска и скијачка понуда од аспект на ресурсите што ги нуди во градот и од аспект на успешни спортисти во алпско и нордиско скијање.
Ски центар Станич
Ски центарот Станич во 2019 година беше целосно реконструиран и уреден со нов ресторан на терените и поразновидни услуги за посетителите. Овој центар нуди 3 стази за скијање од кои две се за почетници, додека стазата под самата жичарница може да се смета за полупрофесионална.
На самите терени можете да изнајмите скии, а во билетот што ќе го купите покрај користење на жичарницата и ски лифотивите можете да да се напиете кафе и да пробате дел од храната во ресторанот Алто.
За повеќе детали околу цена на билети и што се’ добивате со истите на следниот линк: http://panoramaspa.mk
ФОТО ОД АЛТО
Стазата под жичарницата е долга 618 метри, а карактеристично е што самата жичарница е на само неколку минути оддалеченост од центарот на град Крушево.
До ски терените Станич може да се пристапи и пеш, доколку сте љубители на прошетки. Едниот начин е од месноста „Гумење“ преку детското одморалиште Бегова Корија. Овој пат ќе ви одземе околу 40 минути лесно одење за да стигнете до терените.
Вториот пат е од хотелот Монтана, пат кој е претежно во шума и со благи и кратки угорнини. Ако сте за малку поинтензивна прошетка тогаш искористете го овој пат и не грижете се затоа што патокази за оваа делница има насекаде.
ФОTO НАД ПАНОРАМА
Покрај изнајмување на скии на Станич можете и да учите да скијате со професионален инструктор. Искористете ги контактите од хотел Панорама Спа за да си „резервирате“ ваш инструктор.
Но, на Станич можете да отидете и само за прошетка, да се напиете кафе или чај и да уживате во сонцето од терасата на Алто или брвнара Шапе.
ФОТО ОД СТАНИЧ
Крушево има богата историја на успешни спортисти на државно и меѓународно ниво. Така е и денес.
Моментално Крушево е најпрепознатливо по нордиецот Ставре Јада кој учествува на европски и Светски првенства, како и на последната Олимпијада.
Крушево нуди одлично зимско доживување, ние сме тука да ви го овозможиме најубавиот помин! Контактирајте не.
