Крушево и околината се многу разнолики во понудата за велосипедизам. Има кратки и долги патеки, има планински и градски и со различни нивоа на тежина.
Во Крушево се организираат и неколку настани кои организираат велосипедски тури кои ги опфаќаат пределите Гумење, споменикот Слива, манастирот Св. Преображение, планинскиот врв Мусица, околината на селата Пуста Река, Дивјаци и други.
Овие предели нудат разни нивоа на патеки кои одговараат и на поискусни и на понеискусни „точакџии“.
Во околината на Крушево има 4 патеки во должина од 42 километри кои се обележани со знаци со информации за рутата, кулометри и предвидено времетраење на истата. Патеките водат кон манастирот Св. Преображение, врвот Мусица, Мечкин Камен, ски центарот Станич и манастирот Св. Спас во подножјето на Крушево.
Настаните When in Krusevo и Крушево низ корија се настаните кои ги организираат најатрактивните велосипедски тури. Овие настани се одржуваат во месец јуни (When in Krusevo) и август (Крушево низ корија). Тие нудат мали и големи тури кои варираат од 10 па се до 55 километри возење низ крушевските шуми, Бушева планина и самиот град Крушево. Овие настани, традиционално, завршуваат со гравче во некои од угостителските објекти во градот.
Во Крушево на неколку локации можат да се изнајмат велосипеди во текот на цела година. Велосипедите се достапни во параглајдинг инфо центарот и хотел Панорама спа. Контактирајте не’ на 075 252 133, на мејл: vikendvokrusevo@krusevo.gov.mk, на Фејсбук и Инстаграм: https://www.facebook.com/WeekendInKrusevo/
https://www.instagram.com/vikend.vo.krushevo/
