Клуб ,,Планет”
Градот Крушево има солидна бројка на угостителски објекти, меѓу кои: три хотели (од кои два моментално се во функција), поголем број на кафани и ресторани, неколку пицерии, кафулиња и еден ноќен клуб. Ноќниот живот претежно во летниот период нуди доста различни видови на забави, главно во кафулињата, но во последните неколку години доста популарни за излегување се и рестораните и пицериите кои исто така нудат своја програма.
Клуб “Планет” моментално е најстариот клуб во градот кој работи од далечната 1999 година. Лоциран е во самиот центар на градот, на почетокот на крушевските скали, познат по долгогодишната традиција на добри забави со познати диџеи од Крушево и од државава, но и по добрите поп-рок свирки. Понудата е збогатена и со денска шема на терасата од клубот, со кафенце и голем избор алкохолни и безалкохолни пијалоци.
