Толчени пиперки – „Крушевски готвач- книга со рецепти“
Рецепт број 2: Толчени пиперки.
Потребно е: 1 килограм зелени пиперки, еден модар патлиџан, две чешниња лук, 150 грама масло и два домати. Пиперките и модриот патлиџан се печат, се чистат убаво и се сецкаат на ситни парченца. Во дрвена ваганка се толчи лукот, а потоа се додаваат пиперките и модриот патлиџан и убаво се толчат. Се лупат и двата домати и ситно се сецкаат и се продолжува со толчењето. На крајот се додава врелото масло и се посолува. Вака приготвените пиперки се служат со сирење.
Оваа објава е дел од серијалот на рецепти предложени и подготвувани од здружението „Цвет“ од Крушево. Рецептите се дел од книгата „Крушевски готвач- книга со рецепти“.
