Супа од ќофтиња – „Крушевски готвач – книга со рецепти“
Оваа објава е дел од серијалот на рецепти предложени и подготвувани од здружението „Цвет“ од Крушево. Рецептите се дел од книгата „Крушевски готвач- книга со рецепти“.
Рецепт број 1: Супа од ќофтиња.
Пригответе: 250 грама мелено месо, направете мали ќофтиња (смесата да биде како за ќофте со зачини), црн пипер, брашно, две лажици масло, морков, магдонос, зачин и еден филџан ориз. Ќофтенцата се пржат на врело масло, малку да се вцрвенат, се пропржува и ренданиот морков, се додава брашното и се додава 1 литар вода. Супата е готова кога ќе се свари оризот. Кога ќе се подизлади се матка едно јајце со малку киселина и се додава и убаво се меша да не се подвари јајцето.
